Lyrics
L’amour de moy si est enclose
En un jolly jardinet,
Où croist la rose et le muguet
Et ans-si faict la passerose
Mon jardinet est si plaisant
Et garny de toute flour,
Et si est gardé d’un amant
Aussi la nuit comme le jour.
Hellas! il n’est ni douce chose
Que de ce doux roussignollet
Qui chante cler au matinet;
Quant il est las, il se repose
Je la veis l’aultre jour cueillant
En ung verd pré la viollette,
Et me sembla si advenant
Et de beaulté si tres parfaicte,
Je la regarday une pose
Elle estoit blanche comme let
Et doulce comme ung aignelet
Vermeillette comme une rose.
Mon jardinet est si plaisant
Et garny de toute flour,
Et si est gardé d’un amant
Aussi la nuit comme le jour.